Këngëtarja e famshme e lindur në Kosovë, Rita Ora nuk ndalet asnjëherë së menduari se si të ndihmoj njerëzimin.

Bukuroshja kosovare është angazhuar për të ndihmuar të prekurit nga Stuhia Harvey në ShBA e cila deri më tani la të vdekur 38 persona dhe shkaktoi rreth 10 miliardë euro dëme materiale, transmeton arbresh.info.

26 vjeçarja ishte veshur shumë thjesht derisa po i ndihmonte të prekurit nga kjo stuhi duke u dhuruar atyre pako me gjëra të nevojshme për ta.

Në disa prej fotove që i janë bërë gjatë kohës sa po ndihmonte ajo shihet duke mbajtur kurrizin me duar nga lodhja.

Rita ka asistuar në organizimin e donacioneve nga Radio Stacioni Kiss FM.

Këngëtarja e hitit “Hot Right Now” kishte ndihmuar edhe të prekurit nga djegia e ndërtesës shumëkatëshe “Grenfell Tower” në Londër ku kishin mbetur të vdekur 80 persona e shumë të tjerë pa kulm mbi kokë./arbresh.info/